Ingerlatsinermi nalunaarut 

Naluttarfik Malik pulaaruk qiiaammernerlu misigalugu

Imermi nillertumi toqqissisimanartumik aqunneqartumilu qiiaammernissat sapiiserfigigukku maanna periarfissaqarputit naluttarfimmi kinisimaartarfik nutaaq imermik nillertumik immigaq atussallugu, spabad aamma aalartittarfik ilanngullugit.

Naluttarfimmi inspektøri, Daniel K. Lyberth ima oqaaseqarpoq:

”Qiiaammerneq pitsaaquterpassuaqarpoq. Erngup nillertup timi sivikitsumik, sakkortuumilli stressimik sunnertarpaa, qaratsamut timimullu kalerrisaarutit akui adrenalin, binyrebarkhormoner, isummamullu sunniisartoq serotonin aamma beta-endorfiner, annernartunik stressimillu sakkukillisitsisartut aallartittarlugit. Tamanna isumaqarpoq imeq nillertoq matugukku, aak amermut nukinnullu ingerlaaqqilerpat kissartoq qasukkarnartoq misigilissagit. Tamatuma kingorna akunnerni arlalinni timimut tamarmut iluarusutsitsinera misigisinnaavat.”

Nangippoq:

”Gigteqaruit, nukinnik annerisaqaruit imaluunniit timinni arlaatigut aseruunneqaruit, annerisat annikillisut misigisinnaavat, imeq nillertoq nermutitut nillertutut sunniuttarami. Imeq nillertoq peqqissutsimut pitsaasunik sunniuterpassuaqarpoq – Uani ilaallutik timip akiuussutissaasa nukittorsarnerat, aap sukkuanut aamma insulinimik pilersorneranut tunngatillugu orsup arrortinnera annertusilluni, uummallunneq sukkornerlu pinaveersaartillugit, sinilluarnerulerneq, amerinneruneq nutsallu qillernerunerat ammillu sukannerunera imermi nillertumiinnerup sunniuterpassuisa ilagivai.”

Neriuppugut sapiiserlutit imermi nillertumiinneq misilittariaqarit.

Eqqaasitsissutigineqassaarli inuit sukkornermik imaluunniit aap timimi kaaviiaaneranik sakkukillisoorsimasut, nillertumut malussarissut, imaluunniit ilungersunartumik uummalluttut imaluunniit aap naqitsineranik qullasittoortut, nillertumik imaluunniit ukiuunerani sissami uffartarnissaq ingalassimasariaqaraat.