Spabademi tagiartortinneq inuunermik oqinnerulersitsisarpoq

Spabademi tagiartortinnermi imermik tissaluttaatai pingaaruteqarput, taakkuninngami tagiartortinneq  nukinnik qasoortitsisarpoq, nukiillu imermik kissartumik qasukkarsarneqaraangata tamanna annertunerusumik ilorrisimaarnermik kinguneqartarpoq. Imermik tissaluinerit sakkortuujupput iluarusunnartuullutik, soorlu tassa inummik tagiartuisartuimmit sakkortuallaanngitsumik tagiartortilluni. Nukik tagiartortinnissamik pisariaqartitsingaatsiartoq tissaluttumik tagiartortissallugu iluaqutissartaqarpoq.

 

Spa nappaatinut arlalinnut oqilisaataasinnaavoq.

Spabadiutivut hydroterapimik atortoqarput, tassalu imermik tagiartortilluni timimi anniarnerit millisarneqarsinnaapput, ingammik uummatiluttut imaluunniit gigtertut iluaqutigilluarsinnaavaat. Spabadiutitta atornerisa iluaqutissarpassuisa ilaasa ilagaat timimut iluaqutaanerat illorrisimaarnerlu.

  • Uippakajaarneq migrænemillu niaqorluttarneq. Niaqorlunnerup aamma migrænerluni niaqorlunnerup kinguneratut uippakajaarneq spabadimi eqqissilluni issiaarnerup oqilisaaffigisarpaa.
  • Nukitsigut anniarnerit. Spabadit naggussat nukillu sukaqqasut qasoortittarpai, aallu ingerlaarneranut iluaqutaasarlutik.
  • Gigterneq. Gigtimik anniarnerit hydroterapip sakkortuallaarunnaarsissinnaavai. Gigtertut spabadimi qasuersaarnermik saniatigut imermi kissartumi aalaniarnermikkut eqaarsaarsinnaapput.
  • Sukkorneq. Ilisimatuussutsikkut misissuinerit takutippaat inuit type 2-mik sukkortut aamikkut sukkuisa apparsaatigisinnaagaat, aap naqitsinera apparsinnaasoq aamma sanigornermik kinguneqarsinnaasoq.
  • Uummalluutit. Hydroterapip uummammut tunngasut pitsanngorsaavigisinnaavai, matumani uummalluttuni aap ingerlaarnera pitsanngoriarsinnaavoq.

 

 

 

Pulaartutsinnut

Bassinprøve misilikkusuppiuk immaqalu suliffittaarusullutit naluttarfimmi annaassiniartartutut. Maannakkut periarfissaqalerputit sungiusaqataassallutit. Marlunngornerit aammalu tallimanngornerit tamaasa nal. 18:00 -miit 20:00-mut aammalu sapaat nal. 19:00 – miit 21:00 – mut sungiusaqataasinnaavutit. Peqataaneq akeqarpoq misilitsinnermut 90,00 kr.-mik. Sulisut piareersimapput misilitsinnissamik ilitsersuutissallutit. Ukiumut sisamariarluta misilitsisinerit ingerlatissavagut, taamaasillutillu sulisinnaanissamut periarfissaqalissallutit.  Saaffiginnigit malik@sermersooq.gl imaluunniit saaffiginnillutit sulisunut. Misilitsinnissap imarisaa uani takuuk.